Pertsona guztiak ezagutza, abiltasun, trebetasun, etab. berriak ikasteko gaitasuna daukate. Izatez, ikasten dugunean, informazio berriaren alderdi garrantzitsuenak atera, buruz ikasi eta lehendik daukagun informazioarekin osatzen ari gara.
Abstrakzio sailtasunak edukitzea, arlo hauetan zailtasuna edukitzea da:
- Informazio garrantzitsua ateratzea: sintesi, laburpen, matematika, etab.
- Ideia nagusia aurkitzea.
- Bere ikaskuntza egoera berrietara zabaltzea.
- Sekuentzia logikoa jarraitzea.
- Lagunkidetasuna, errespetua, bakea, etab. bezalako kontzeptu zabalak ulertzea.
- Hitz-jokoa ulertzea.
Beraz, pentsamendu arazoek eta abstrakzio zailtasunek ez dute ikasteko gaitasuna kentzen, baizik eta ikaste prozezua moteltzen dute.
Guraso eta hezitzaileek egin behar dutena da:
- Bere seme edo alabaren gaitasunean sinetsi.
- Bere autoestimua zaindu.
- Pazientzia izan.
- Azalpen errazak eman.
- Aurrerapenak saritu eta ez zigortu.
Egia esan, bi pertsona desberdinetan abstrakzio zailtasunak ez dira berdin-berdinak izaten; bi ume desberdineri testu baten ideia garrantzitsua azpimarratzea zaila egin ahal zaie, baina batek denbora gehiagorekin lortu dezake eta besteak norbaiten laguntza behar izan dezake.
Bestalde, umearekiko guraso eta irakasleen jarrera funtsezkoa da. Zalantzak sortzen direnean, profesional baten ezagupenak kontutan hartzea beharrezkoa izaten da.
Gakoa, pertsona bakoitzaren zailtasunari baino gaitasunari gehiago begiratzea da. Autoestima sendotuz eta ikasketa-teknika egokiak erakutsiz, edozein zailtasun gainditu edo hobetu daiteke.
Artikulazio arazoak 
Abstrakzio zailtasuna 
